Madriddagi O‘zbekiston-Ispaniya biznes-forumi iqtisodiy hamkorlikni mustahkamladi

Madridda ikki mamlakat ishbilarmon doiralari o‘rtasidagi amaliy hamkorlikni kengaytirishda muhim platformaga aylangan O‘zbekiston-Ispaniya biznes-forumi bo‘lib o‘tdi.

Tadbir doirasida ishtirokchilar iqtisodiyotning asosiy tarmoqlari, jumladan, energetika, infratuzilma, qishloq xo‘jaligi va turizm sohalarida yangi loyihalarni muhokama qildilar. Aries & Leo Equity Holding, Future Farm Solutions, Almar Water Solutions, IMABE, KHESH GROUP, Banco Santander, Water Challenge va Systemfoc kabi yetakchi kompaniyalar bilan hamkorlik imkoniyatlarini izlashga alohida e’tibor qaratildi.

Mutaxassislar o‘zaro manfaatli hamkorlik uchun katta salohiyat mavjudligini ta’kidlab, bunday forumlar O‘zbekiston va Ispaniya o‘rtasidagi iqtisodiy sheriklikni yanada mustahkamlashga xizmat qilishini ta’kidladilar.