O'zbekistonda parlament saylovlari - 2024

Hurmatli vatandoshlar!

2024 yil 27 oktyabrda O‘zbekiston Respublikasi Oliy Majlis Qonunchilik palatasi va mahalliy kengashlar deputatlar saylovi bo‘lib o‘tishi munosabati bilan O‘zbekistonning Ispaniyadagi Elchixonasida saylov uchastkasi tashkil etildi.

Ispaniyada bo’lib turgan va 18 yoshga to’lgan barcha O‘zbekiston fuqarolarini o’z konstitutsiyaviy huquqlaridan foydalangan holda saylovda faol ishtirok etishga taklif etamiz. 

Elchixona hududidagi saylov uchastkasi (manzil: La Plaza de la Lealtad 3, entreplanta derecha, 28014 Madrid) 27-oktabr kuni soat 08:00dan 20:00gacha faoliyat yuritadi.

Ovoz berish uchun saylovchi o‘z shaxsni tasdiqlovchi hujjatni (pasport – biometrik, хorijga chiqish yoki ID karta: harbiy guvohnoma; O‘zbekiston Respublikasiga qaytish guvohnomasi) ko‘rsatishi lozim.

Sizning saylovlarda ishtirok etishingiz mamlakatimizda demokratik jarayonlarni mustahkamlashga hissa qo‘shadi. O‘zbekistonning kelajagi uchun o‘z hissangizni qo‘shish imkoniyatini qo‘ldan boy bermang!

Sizning ovozingiz muhim!

Hurmat bilan,
O‘zbekiston Respublikasining Ispaniyadagi Elchixonasi